⛈ 今早天氣又紅雨又黑雨,唔知大家可好嗎?
孩子突然不用上學,我見我居住的那區天氣不太壞,所以作出了任性的決定~ 帶呀囝出街 😂
為了維持口福之樂,一早我便做了運動,然後帶呀囝乘屯馬線(當多一個節目行程 😜),目的地是尖東。
今日去K11 Art House 睇戲最大的原因是11:20am 仲有早場票價優惠,我們選了Luca~ “盛夏友情天”。可能睇之前無乜期望,反而好有驚喜,我自己好鍾意️ ❤ 推介👍🏻
然後同呀囝食我平時很喜歡的Chatterbox cafe。可惜今日質素差咗,海南雞唔覺好食,喇沙啲蝦仲煮到又乾又老 😔,兩個人lunch 食咗$350 有啲失望。
最後見Gontran Cherrier 唔洗排隊,雖然上次食過一般般,不過今次買了幾款不同口味再試。回家時天氣轉晴,完全無落雨,感覺今日過得(玩得)好充實。
Timmy